უმრავლესობის წევრები ბესელიას ემუქრებიან -„მნიშვნელოვანია, ეკა როგორ იმოქმედებს“

პოლიტიკა - 11:36, 11 Jan, 2019

949

ღია დაპირისპირება საპარლამენტო უმრავლესობაში - "ქართული ოცნების" ე.წ. ახალი სახეები ეკა ბესელიას ღიად აფრთხილებენ.

პარლამენტის საპროცედურო საკითხთადა წესების კომიტეტის თავმჯდომარემ იურიდიული კომიტეტის უკვე ყოფილი თაბმჯდომარის მისამართით დღეს გამაფრთხილებელი განცხადება გააკეთა და ფაქტობრივად თქვა, რომ ბესელიას მიერ უმრავლესობის დატოვება, დეპუტატის დაანონსებულ განცხადებაზეა დამოკიდებული, რომელსაც ეკა ბესელია ორშაბათს გააკეთებს:

ამასთან, როგორც კახიამა კაჭრეთში ჟურნალისტებს განუცხადა, ამ ეტაპზე ბესელიას საკითხი გუნდში არ განუხილავთ.

„საუბარია იმაზე, რომ საერთო სასამართლოების შესახებ კანონში განხორციელდეს ცვლილებები, რომელიც დაადგენს კრიტერიუმებს, თუ როგორ უნდა მოხდეს უზენაესი სასამართლოს კანდიდატების წარდგენა სასამართლოში. ეს მოხდება და ამის შემდეგ ვიმსჯელებთ კონკრეტულ მოსამართლეებზე. უმრავლესობის რიგებში არ ყოფილა მსჯელობა იმაზე, რომ ეკა ბესელიამ დატოვოს უმრავლესობა და იმედი მაქვს, რომ ეს მსჯელობა არც მოგვიწევს, მაგრამ მნიშვნელოვანწილად ეს იქნება დამოკიდებული ეკას ქმედებებზე, თუ რა განცხადებებს გააკეთებს და როგორ იმოქმედებს. იმედი მაქვს, რომ ეს საკითხი არ დადგება“, - განაცხადა გიორგი კახიანმა.