სასამართლო სისტემაში არსებული მძიმე პრობლემები - დღეს არასამთავრობო ორგანიზაციების, მოსამართლეებისა და იურისტების შეხვედრა გაიმართა.

მამუკა ახვლედიანმა შეხვედრის დასრულების შესახებ სისტემაში არსებულ კლანებზე ისაუბრა.

მისი განცხადებით, მხარდაჭერის გარეშე „სასამართლო სისტემაში არსებული ჯგუფი ამდენს ვერ გაბედავდა“.

"კლანი არ არის მხოლოდ სასამართლო სისტემაში - მათი ნაწილი არის პარლამენტში, ნაწილი პროკურატურაში და სხვადასხვა უწყებებში"- ამბობს მოსამართლე ახვლედიანი.

მოსამართლის თქმით დღევანდელ შეხვედრაზე შეთანხმდნენ იმაზე, რომ იქნება ყველანაირი ფორმა:

"საუბრები, შეხვედები პარლამენტის წევრებთან, საერთაშორისო ორგანიზაციების წარმომადგენლებთან; იქნება როგორც ერთობლივად შეთანხმებულად, ასევე ინდივიდუალურად მიღებული გადაწყვეტილებები "- განაცხადა ახვლედიანმა.

"გარკვეული პოლიტიკური ჯგუფების მხარდაჭერის გარეშე ამდენს ვერ გაბედავდნენ. მე არ ვიცი კონკრეტულად ვინ ერევა და როგორ ერევა, მაგრამ ცალსახად ჩანს, რომ ეს ჯგუფი მარტო არ მოქმედებს“, - თქვა ახვლედიანმა.