მმართველი გუნდის მორიგი დაპირისპირება სამოქალაქო სექტორის წინააღმდეგ - აღნიშნულის მიზეზი მოსამართლეობის კანდიდატების სია გახდა. გია ვოლსკიმ არასამთავრობო ორგანიზაციებს მოუწოდა, არ ჩაერიონ პოლიტიკურ პროცესებში. უმრავლესობის დეპუტატის განცხადებით, არასამთავრობო სექტორმა ხელისუფლებას პროფესიონალური და სამართლებრივად ჩამოყალიბებული რჩევები უნდა მისცეს:

"შემოდიან პოლიტიკური შეფასებების ისეთ პლატფორმაზე, რომელიც აბსოლუტურად იძლევა იმის სამწუხარო რეალობას, რომ ეს არის პოლიტიკური პლატფორმა, რომელზეც არასამთავრობო ორგანიზაციები არ უნდა იმყოფებოდნენ. რა იციან იმათმა ბიძინა ივანიშვილთან არის, ვისთან არის შეთანხმებული, ან რატომ გამოთქვამენ ეგეთ აზრებს, რომელიც საზოგადოებისთვის არის დამატებითი საფიქრალი, პრობლემის შემქმნელი,"-აცხადებს გია ვოლსკი.