TV „პირველის“ მფლობელის სკანდალური განცხადება - რას პასუხობს ვატო წერეთელი პროკურატურას TBC ბანკის საქმეზე

პოლიტიკა - 10:45, 10 Jan, 2019

2101

tv „პირველის“ ერთ-ერთი მფლობელი, ბიზნესმენი ვახტანგ წერეთელი „თიბისი ბანკთან“ დაკავშირებით პროკურატურის მიერ დაწყებულ გამოძიებაზე პირველო კომენტარს აკეთებს.
პროკურატურის მიერ გავრცელებულ ინფორმაციაში ნახსენები კომპანიების - შპს „სამგორი თრეიდის“ და შპს „სამგორი M”-ის „სოლიდურ წილს ფლობს“, შესაბამისად, მისთვის გაუგებარია, რატომ არ დაიბარა საგამოძიებო ორგანომ ის პროკურატურაში გამოკითხზვაზე.

„მთელი დღეა, მიზანმიმართულად არ დავწერე არაფერი ,,TBC ბანკის“ ამბავზე... ველოდებოდი, როგორ განვითარდებოდა პროცესები და განვითარდა ძალიან სასაცილოდ, ძალიან ანეგდოტურად - პროკურატურა სერიოზული სახით ამბობს, გამოძიება მიდისო და დავკითხეთ ყველა ფიგურანტიო. რა მაინტერესებს, იცით? იმ ორი კომპანიიდან, რომელზეც ამბავია ატეხილი, ორივეს წილს ვფლობ მე, თანაც ძალიან სოლიდურს. რას იძიებენ ესენი, ვერ გავიგე, როცა მე ამ წამამდე არავის დავუბარებივარ გამოკითხვაზე; აი, ამიტომ მეცინება ამ გამოძიებაზე... თუ აქ რაღაც სხვა, მიღმა ამბავი არაა, წესით, მე ხომ უნდა დავებარებინე ვინმეს? მგონი, საბუთებში არც ჩაუხედავთ... ამ ჩემი სტატუსის მერე კი, როცა ჩემგანვე აღმოაჩენენ, რომ თურმე, გამოსაკითხი ვარ, ალბათ დამიბარებენ... ნუ, მინიმუმ, ყავაზე მაინც... სასწაული გამოძიება ჩაუტარებიათ, სასწაული“ - წერს წერეთელ სოცალურ ქსელში.

მედიუაში გავრცელებული ინფორმაციის თანახმად, TBC ბანკის დამფუძნებელს შესაძლოა ბრალი წაუყენონ. მთავარი საგამოძიებო უწყება 10 წლის წინ, 17 მილიონის ლარის შესაძლო გათეთრებას იძიებს.
ცნობილია, რომ საქმეზე უკვე გამოკითხეს მამუკა ხაზარაძე, ბადრი ჯაფარიძე.

საქმე უკანონო შემოსავლების ლეგალიზების მუხლით არის აღძრული. საგამოძიებო უწყებამ დოკუმენტაცია TBC ბანკიდან უკვე ამოიღო.

პროკურატურის ინფორმაციით, საქმე ეხება 2008 წელს კომპანია ”სამგორი ემის” და ”თრეიდის” მიერ TBC -დან აღებულ 17 მილიონი დოლარის ოდენობის სესხს, რომელიც საბოლოოდ ჩამოწერეს და თანხა ბანკში აღარ დაბრუნდა.