სისხლიანი სპეცოპერაცია პანკისში - თემირლან მააჩალიკაშვილის გარდაცვალებიდან ერთი წელი გავიდა

პოლიტიკა - 09:56, 10 Jan, 2019

947

პანსკისის ხეობაში ჩატარებული სისხლიანი სპეცოპერაციის შედეად მოკლული 19 წლის თემირლან მაჩალიკაშვილის გარდაცვალებიდან ერთი წელი გავიდა.
ოჯახი ერთი წელია იმ პირების დასჯას ითხოვს, ვინც ღონისძიება დაგეგმა და "მძინარე თემირლანს თავში ესროლა".
რამდენიმე თვეა აღნიშნული მოთხოვნით, მოკლულის მამა და ოჯახი თბილისში, აქციას მართავს.
სახელმწიფო უსაფრთხოების სამსახური მაჩალიკაშვილს ახმედ ჩატაევის ჯგუფის წევრებთან კავშირში ადანაშაულებდა. სუს-ის მტკიცებით, თემირლან მაჩალიკაშვილი დაკავებისას შეეცადა წინააღმდეგობა გაეწია სამართალდამცავებისთვის, კერძოდ უნდოდა მოქმედებაში მოეყვანა ხელყუმბარა, რასაც გარდაცვკილი ბიჭის ოჯახის ადვოკატები კატეგორიულად გამორიცხავენ და სუს-ს ფაქტების ფალსიფიცირებაში ადანაშაულებენ.

აღსანიშნნავია, რომ მძიმედ დაჭრილი ახალგაზრდა 2018 წლის 10 იანვარს ისე გარდაიცვალა, რომ მისთვის ბრალი არ წაუყენებიათ.

პროკურატურამ თემირლან მაჩალიკაშვილის სასიკვდილოდ დაჭრის ფაქტზე გამოძიება სისხლის სამართლის კოდექსის 333-ე მუხლის მე-3 ნაწილით დაიწყო, რაც ძალადობით სამსახურებრივი უფლებამოსილების შესაძლო გადამეტებას გულისხმობს, თუმცა ამ დრომდე არავინ დასჯილა.