კახეთში, კაჭრეთის „ამბასადორში“ მმართველი გუნდია შეკრებილი. როგორც ჟურნალისტებთან საუბრისას გია ვოლსკიმ აღნიშნა, მსჯელობა სხვადასხვა საკითხებზე მიმდინარეობს, მაგრამ არ ყოფილა საუბარი უმრავლესობის რიგებიდან ეკა ბესელიასა და გედევან ფოფხაძის გარიცხვის შესახებ:

„ვფიცავ ქვეყნის, ხალხის და უფლის წინაშე, ამ თემაზე საერთოდ ლაპარაკი არ გვქონია. არანაირი ტრაგედია არ არის. ჩვეულებრივი ამბავია პოლიტიკაში ესეთი საკითხები ხდება, ერთმანეთს სცილდებიან, ახალი ჯგუფები იქმნება. მაგრამ ფაქტია არის ერთი, საზოგადოება დაიღალა იმის ყურებით ვინ ვისზე რას ამბობს და დაპირისპირების რა ხარისხი და რა შინაარსია. საზოგადოება ითხოვს ჩვენგან გადაწყვეტილებები იქნას მიღებული ისეთი, რომელიც სახელმწიფოს არა თუ არ დააზიანებს, წაადგება კიდევაც სამომავლოდ. ეს არის მთავარი ამოცანა. შიგნით რა პროცესები მიდის, რა საკვირველია საინტერესოა, რა საკვირველია ვიზუალურადაც საინტერესოა და შოუც კარგია, პოლიტიკური შოუ, მაგრამ მთავარი ამოცანა ჩემთვის პირადად ეს არის,“-განაცხადა გია ვოლსკიმ.