"არც ერთ სასულიერო პირს არ აქვს უფლება, საეკლესიო ეთიკა დაარღვიოს"

"არც ერთ სასულიერო პირს არ აქვს უფლება, საეკლესიო ეთიკა დაარღვიოს" - პროტოპრესვიტერი გიორგი ზვიადაძე

პოლიტიკა - 19:06, 08 Jan, 2019

1091

ჭყონდიდელი მიტროპოლიტის მეუფე პეტრეს წმინდა სინოდს გასული წლის გაზაფხულზე მიწერილი წელი გასაჯაროვდა, სადაც მან ხაზს გაუსვა იმ ფაქტსაც, რომ საეკლესიო განაწესის დარღვევაა, როცა ცილისწამებაში შემჩნეული ადამიანები მღვდელმსახურებას კვლავ განაგძობენ. მეუფე ამბობს, რომ ასეთი პირები ხშირად მასმედიის საშუალებითაც სარგებობენ და სასულიერო პირისთვის შეუფერებელ განცხადებებსაც აკეთებენ.

აღნიშნულ ბრალდებას პატრიარქის პროტოპრესვიტერი გიორგი ზვიადაძე გამოეხმაურა. ზვიადაძემ საეკლესიო ეთიკის დარღვევაზე მიანიშნა და აღნიშნა, რომ მეუფე პეტრეს ჰქონდა უფლება, მოეთხოვა საკუთარი საკითხის განხილვა სინოდის სხდომაზე, თუმცა, მან ამის შესახებ სხვა მღვდელმთავრებს „მოკრძალებით“ უნდა სთხოვოს.

„არსებობს საეკლესიო ეთიკა დ არც ერთ მღვდელმთავარს და არც ერთ სასულიერო პირს არ აქვს უფლება, საეკლესიო ეთიკა დაარღვიოს. იყო შემთხვევები, როდესაც ეთიკის წესები იყო დარღვეული, რაც ძალიან სამწუხაროა. მღვდელმთავარს როდესაც აქვს განსხვავებული პოზიცია, მან თავისი პოზიცია უნდა გადაამოწმოს სხვა მღვდელმთავრებთან. რაც უკვე სცილდება მღვდელმთავრის ეპარქიას, მას აქვს ერთადერთი შესაძლებლობა, რომ სინოდის წევრებთან ისაუბროს და რა თქმა უნდა, ისაუბროს მოკრძალებით, არა დირექტივებით, არამედ მოკრძალებით და მან ითხოვოს იმის შესახებ, რომ, თუ შესაძლებელი იქნება, ესა თუ ის საკითხი რომ იქნეს განხილული სინოდის სხდომაზე. ამას ყოველთვის სჭირდება საეკლესიო დამოკიდებულება და რაც შეეხება იმას, რომ ყველა მღვდელმთავარი ლოცვა-კურთხევის გარეშე, სინოდის თანხმობის გარეშე აკეთებდეს განცხადებას სხვადასხვა საკითხთან დაკავშირებით, რა თქმა უნდა, ეს არ არის სწორი" - აღნიშნა პროტოპრესვიტერმა.