პატრიარქის საშობაო ეპისტოლეზე განმარტებას ქორეპისკოპოსი იაკობი აკეთებს. მეუფე აცხადებს, რომ სიტყვის თავისუფლებაზე განმარტება, რომელზეც ილია მეორე ეპისტოლეში საუბრობს, საპატრიარქოსა და წმინდა სინოდის წევრებს ეხებათ.

„უწმინდესი, რაღაც პრობლემა რომ დგება ხოლმე ამბობს, რომ ჩვენში რაღაც შიდა დაძაბულობები არ იყოს, ალბათ უფრო ამაზე ჰქონდა აქცენტი.

ზოგადად, სიტყვის თავისუფლებას ამოფარებული ბევრია და ბევრს არასწორად ესმის. უცხოეთში სიტყვის თავისუფლება მასე არ განიმარტება და თავის შეზღუდვები მაინც აქვს,“ - ამბობს მეუფე იაკობი.

რაც შეეხება აღნიშნულის „რუსთავი 2“-თან კავშირს, მეუფე იაკობი აცხადებს, რომ არავითარ კავშირში არ არის ტელეკომპანიასთან:

„არავითარი, „რუსთავი2" ერთ-ერთი მასობრივი ინფორმაციის საშუალებაა და ვუყურებთ კიდეც, ყველა ვუყურებთ. ხან იმაზე გადავრთავთ, ხან - ამაზე... იმიტომ, რომ ცალსახად ერთ არხს უყურო, ერთ არხს დაუჯერო სჯობს...

ჩვენ საბჭოთა კავშირის პერიოდში ვცხოვრობდით და სტრიქონებს შორის შეგვიძლია წავიკითხოთ და გავიგოთ. პატრიარქს უარყოფითი დამოკიდებულება არასოდეს ჰქონია, არც "რუსთავი 2"-თან და არც არავისთან“-ამბობს მეუფე იაკობი.