განხეთქილება „ოცნებაში“: „უმრავლესობას დავტოვებ, თუ ის უზენაესი სასამართლოს მოსამართლეობის კანდიდატების სიას მხარს დაუჭერს“

განხეთქილება „ოცნებაში“: „უმრავლესობას დავტოვებ, თუ ის უზენაესი სასამართლოს მოსამართლეობის კანდიდატების სიას მხარს დაუჭერს“ - ბექა ნაცვლიშვილი

პოლიტიკა - 14:09, 08 Jan, 2019

1058

დეპუტატ ბექა ნაცვლიშვილის განცხადებით, იმ შემთხვევაში, თუ უმრავლესობა უზენაესი სასამართლოს მოსამართლეობის კანდიდატების წარდგენილ სიას მხარს დაუჭერს, ის საპარლამენტო უმრავლესობას დატოვებს. ამის შესახებ ნაცვლიშვილმა ჟურნალისტებთან საუბრისას აღნიშნა.

ნაცვლიშვილი დეპუტატებს საკუთარი პოზიციების დაფიქსირებისკენ მოუწოდებს.

„საკითხი დგას შემდეგნაირად: ვაღიარებთ იმას, რისთვისაც ვიბრძოლეთ თუ უარვყოფთ. ეს დაპირისპირება, ცხადია, არის და ის გამოსულია გარეთ. რა სიმწვავე ექნება ამ პროცესს, ყველა ინდივიდუალურად მიიღებს გადაწყვეტილებას. თუ მოსამართლეების საკითხი ისევ იდგება დღის წესრიგში და ამ მიმართულებით არაფერი შეიცვლება, ისევ თუ ამ ტიპის სია შემოვა რა სიაც იყო შემოსული და უმრავლესობა მხარს დაუჭერს, მე საპარლამენტო უმრავლესობას დავტოვებ. ე.ი. ჩვენს შორის არის ფუნდამენტური განსხვავება ამ მნიშვნელოვან საკითხზე", - განაცხადა ნაცვლიშვილმა.