იურიდიული კომიტეტის ყოფილი თავმჯდომარე კობახიძის იმ განცხადებებს ეხმაურება, სადაც პარლამენტის თავმჯდომარე ამბობს, რომ ბესელიას კომიტეტიდან წასვლა ჯერ კიდევ რამდენიმე თვის წინ გადაწყდა, რადგან დეპუტატი ვიცე-სპიკერად უნდა დანიშნულიყო და მოსამართლეების თემა არაფერ შუაშია:

„მშვიდობაში თანამდებობები და კაბინეტები, დამითმია მათთვის ვინც ამ მიზნით მოვიდა პოლიტიკაში თუ ხელისუფლებაში. ჩემთვის წყალგამყოფი არის თემა, რომლიც უკავშირდება ჩვენი შვილების ხვალინდელ მომავალს. „ქართული ოცნება“ ხელისუფლებაში არ იქნება იმდენი დროით, რამდენი ხნითაც ჩვენ ამ მოსამართლეებს ვირჩევთ და ვის ხელში იქნება ჩვენი შვილების მომავალი, ეს არის დამოკიდებული ამ პროცესზე,“ - განაცხადა ეკა ბესელიამ „ტვ პირველთან“ საუბრის დროს.