ფრაქცია „ქართული ოცნების“ თავმჯდომარე მამუკა მდინარაძე ამბობს, რომ ეკა ბესელია ჯერ არ დაკავშირებია, თუმცა თუ ის სურვილს გამოთქვამს, მზადაა, შეხვდეს.

„ნუ ვისაუბრებთ ამ საკითხზე. ჩვენ უკვე გავაკეთეთ განცხადებები. ფრაქციაში ვიმოქმედეთ, როგორც იყო სწორი გუნდურობის პრინციპიდან გამომდინარე და რეგლამენტის წესებიდან გამომდინარე. ჩვენ ვუფრთხილდებით თითოეულ წევრს ჩვენი გუნდის და არ გვინდა, რომ ჩვენი განცხადებებით დავძაბოთ სიტუაცია. ვიმსჯელებთ გუნდის შიგნით და ვიმოქმედებთ შესაბამისად. ქალბატონი ეკა ჯერ არ დამკავშირებია, თუმცა თუ გამოთქვამს სურვილს, მე ყოველთვის მზად ვარ, გუნდის წევრებს შევხვდე,“ - ამბობს მამუკა მდინარაძე.