დღეს იურიდიული კომიტეტის ყოფილი თავმჯდომარე ეკა ბესელია საკუთარ გეგმებსა და არსებულ ვითარებაზე განცხადებას გააკეთებს.

„გავაგრძელებ სამართლიანობისთვის ბრძოლას. როგორ, ამაზე ვისაუბრებ. ბევრი თანამოაზრე გვყავს,“ - თქვა ეკა ბესელიამ.

ეკა ბესელია სამების საკათედრო ტაძარში საშობაო ლიტურგიაზე მარტო მივიდა და წირვის დროს მის თანამოაზრე გედევან ფოფხაძესთან ერთად იმყოფებოდა.

სამებაში იმყოფებოდა პარლამენტის თავმჯდომარე და ასევე, მმართველი გუნდის სხვა ლიდერებიც, თუმცა „ქართული ოცნების“ დაპირისპირებულ წევრებს ერთმანეთისთვის დღესასწაული არ მიულოცავთ. წირვის დასრულების შემდეგ საპარლამენტო უმრავლესობაში არსებულ დაპირისპირებაზე კიდევ ერთი კომენტარი გააკეთა პარლამენტის თავმჯდომარემ.

ფოტო: „საზოგადოებრივი მაუწყებელი“