"ივანიშვილი საზოგადოებას რევოლუციისკენ იწვევს" - ნიკა მელია კანაფის კულტივაციის შესახებ კანონპროექტი პარლამენტში დაბრუნდებაზე

პოლიტიკა - 19:41, 04 Jan, 2019

1360

პარტია „ქართული ოცნების“ თავმჯდომარე ბიძინა ივანიშვილი კანაფის კულტივაციასთან დაკავშირებული კანონპროექტის პარლამენტიდან გაწვევის გამო გუნდზე გაბრაზებულია. ივანიშვილმა უკმაყოფილება გუშინ პარტიის ოფისში გამართულ შეხვედრაზე გამოხატა და წამოჭრა საკითხი „კანაფის კონტროლის შესახებ“ საკანონმდებლო პაკეტთან დაკავშირებით. იგი უკმაყოფილო იყო იმ ფაქტით, რომ პარლამენტმა აღნიშნული კანონპროექტის მიღება ვერ შეძლო, შედეგად კი ქვეყანამ „დიდი ფული“ დაკარგა.

აღნიშნულთან დაკავშირებით "ერთიანი ნაციონალური მოძრაობის" ერთ-ერთი ლიდერი ნიკა მელია აცხადებს, რომ ივანიშვილი თავისი ქმედებებით, საზოგადოებას რევოლუციის ჩატარებისკენ იწვევს.

„ეს ადამიანი საზოგადოებას რევოლუციისკენ იწვევს. რევოლუციას არ და ვერ აწყობს ხალხი, აწყობს ხელისუფლება. ბიძინა ივანიშვილი ყველაფერს წარმატებით აკეთებს, რომ ძალიან მალე ეს ადამიანი ხალხმა აიძულოს ან თავისი ფეხით შევიდეს საკანში ან გაიქცეს ამ ქვეყნიდან. ანრი ოხანაშვილი შეეწინააღმდეგება, თუ აკაკი ზოიძე, რასაც გაუკეთებენ, თათებზე დგებიან, უკანა თათებზე და იმას აკეთებენ მუდმივად. მისი აქტივები შემცირდა 800 მილიონი დოლარით, ამას ხომ ამოღება სჭირდება. გეგმა მაქვსო, ორი წელიწადი ვიმუშავეო, რომელიც იძლევა 500%-იან მოგებას" - აღნიშნა ნიკა მელიამ.