თემირლან მაჩალიკაშვილის მამა და ოჯახის ადვოკატი პროკურატურაში იმყოფებოდნენ, სადაც სამხარაულის ექსპერტიზის დასვნას გაეცნენ.

როგორც მალხაზ მაჩალიკაშვილმა განაცხადა, დასკვნით გამოჩნდა, რომ თემირლანს სპეცოპერაციისას საწოლიდან თავი არ ჰქონდა წამოწეული რასაც ხელისუფლება კვლავ არ აღიარებს.

"ჩემთვის მთავარია, თემირლანს თავი არ აქვს წამოწეული და იმ ფაქტს ეს ნაძირალა ხელისუფლება, ეს სისტემა ვერ გაურბის. ეს ცხადად ჩანს უბრალო ადამიანისთვისაც. ფაქტები სახეზეა. ექვსი თვე გავიდა. ორ კვირაში უნდა დადებულიყო დასკვნა. ვერაფრით შეძლეს მაია ნიკოლაიშვილის და ზაზა ​ალთუნაშვილის მოსყიდვა. დღემდე ასე გრძელდება. ამ დასკვნით გამოჩნდა, რომ თემირლანი იწვა, თემირლანს თავი არ აქვს წამოწეული. ჩემთვის მთავარია, თემირლანს ეძინა. ნიკოლაიშვილი ამტკიცებს, რომ თემირლანი საერთოდ არ არის განძრეული ადგილიდან. მეორე ექსპერტიზა ამტკიცებს, ვითომ ფეხები იქით ჰქონდა, ვითომ ფეხები აქეთ ჰქონდა. რაღაცას ცდილობენ. ესენი იმ სპეცრაზმელმა იცის. იმ სპეცრაზმელმა ისეთი დანაშაული ჩაიდინა, საქართველოს ისტორიაში ბადალი არ ჰყავს. მგონი, დაფიქრდება. მგონი, დღეს მე მიყურებს და დაფიქრდება" - აღნიშნა მალხაზ მაჩალიკაშვილმა.