გედევან ფოფხაძე იურიდიულ საკითხთა კომიტეტიდან გაიწვიეს. ამის შესახებ დღეს გახდა ცნობილი. ფოფხაძის თქმით, პარლამენტის თავმჯდომარის ირაკლი კობახიძის პოზიციაა, რომ სადაო საკითხებზე გუნდმა საჯარო განხილვები არ უნდა აწარმოოს და მისივე თქმით, აღნიშნული პოზიცია მისი აზრით არ არის სწორი:

„მემგონი ბატონმა კობახიძემ ეს პოზიცია რამდენჯერმე დააფიქსირა, რომ სადავო საკითხები უნდა განვიხილოთ გუნდის შიგნით და გარეთ ერთიანი პოზიციით უნდა წარვდგეთ. ყოველთვის არ მგონია, რომ ეს ოქროს წესი იყოს. ხანდახან ხალხმა უნდა იცოდეს განსხვავებული აზრი“,- აღნიშნა ფოფხაძემ.