"თუ ახლები სხვა პოზიციას აირჩევენ... "- ეკა ბესელია "ოცნების" ე.წ ახლების გუნდს ღიად უპირისპირდება

პოლიტიკა - 12:09, 31 Dec, 2018

2912

თანაპარტიელებისგან წამოსულ კრიტიკას, რომ ეკა ბესელიამ იურიდიული კომიტეტის პირველი მაოდგილის არჩევა რეგლამენტის დაღვევით განახორციელა, იურიდიული კომიტეტის ყოფილი თავმჯდომარე პასუხობს. ეკა ბესელიას განმარტებით, რეგლამენტის 31-ე მუხლით ასეთი აკრძალვა არ არის და შესაძლებელია ორზე მეტი კანდიდატის დაყენება.ბესელია ამბობს, რომ ის მზად არის ყველა კითხვასა და ბრალდებას უპასუხოს.

„მაქსიმალურად ფრთხილად და მოზომილად ვეკიდები ყველა ჩემს განცხადებას.

მე ვარ შეგნებულად მოპასუხის როლში ყველა ჩემი კომენტარის დროს და არა თავდამსხმელის როლში.

მე მიწევს ცალკეულ არასწორ გამონათქვამებზე კომენტარის გაკეთება, მაგრამ მე არ ვარ ის ადამიანი ვინც სადმე იმალება და ან ვინმე შანტაჟის ენით დაელაპარაკება. თუ ეს ასე არ მოხდება და ცალკეული პირები, რომლებიც ახლები არიან და გამარჯვების მერე მოვიდნენ მშვიდ და კომფორტულ გარემოში, თუ ისინი სხვა პოზიციას აირჩევენ და აცდება ეს იმ იდიალებს, რისთვისაც ჩვენ პირველ ოქტომბერს ვიბრძოდით, გადავხედავ ჩემს პოსტს.

არა, ბიძინა ივანიშვილის წინააღმდეგ არ წავალ, რადგან მე მგონია, ეს არის პროცესი, რომელიც ყველაზე მეტად ჯანსაღია და სჭირდება გუნდს, ხელისუფლებას და საზოგადოებასაც“-განაცხადა ეკა ბესელიამ.