იურიდიულ საკითხთა კომიტეტის სხდომაზე, ეკა ბესელიას მიერ სამი კანდიდატის დასახელებას „ქართული ოცნების“ გუნდის წევრების გაღიზიანება მოჰყვა.

როგორც რატი იონათამიშვილმა განაცხადა, ფაქტობრივად, სხდომა გედევან ფოფხაძის პირველ მოადგილედ არჩევის მიზნით ჩატარდა.

„ხუთშაბათს ჩვენ გვქონდა ერთადერთი საკითხი გედევან ფოფხაძის არჩევასთან დაკავშირებით. სახელობით და გვარით იყო გედევან ფოფხაძის კანდიდატურა შესაბამისად სავსებით ლეგიტიმურია გედევან ფოფხაძის კანდიდატურის კენჭისყრაზე დაყენება. რაც შეეხება სამ კანდიდატურას, მე ვფიქრობ რომ ეს არის 35-ე მუხლის მე-8 და მე-9 პუნქტების დარღვევა,“- განაცხადა რატი იონათამიშვილმა.

იონათამიშვილის ამ განცხადებას ეკა ბესელიას მიერ, მოადგილეობის ერთ-ერთ კანდიდატად დასახელებულმა ლევან გოგიჩაიშვილმა უპასუხა. გოგიჩაიშვილის განცხადებით, იონათამიშვილი რეგლამენტში სიღრმისეულად ვერ ერკვევა.