საქართველოს პარლამენტის იურიდიულ საკითხთა კომიტეტის თავმჯდომარის პირველ მოადგილედ გედევან ფოფხაძე აირჩიეს. ფოფხაძე კომიტეტის თავმჯდომარის მოვალეობას შეასრულებს. პირველი მოადგილის თანამდებობაზე 3 კანდიდატი იყო წარდგენილი: გედევან ფოფხაძე, ლევან გოგიჩაიშვილი და რუსლან პოღოსიანი.

კომიტეტში ჩატარებულმა კენჭისყრა პირველ ტურში გამარჯვებული ვერ გამოავლინა. კენჭისყრის დროს გედევან ფოფხაძემ 6 ხმა მიიღო, ლევან გოგიჩაიშვილმა 5, ხოლო რუსლან პოღოსიანმა 1. ამის შემდეგ კომიტეტის თავმჯდომარის თქმით, ექვსი ხმა არ იყო საკმარისი პოსტზე ასარჩევად და არჩეულად ჩაითვლებოდა ის, ვინც მეორე ტურში მეტ ხმას მიიღებდა. მეორე ტურში კენჭისყრის შედეგად გედევან ფოფხაძემ შვიდი ხმა, ხოლო ლევან გოგიჩაიშვილმა ერთი ხმა მიიღო.