საქართველოს პარლამენტის იურიდიულ საკითხთა კომიტეტის მოქმედმა თავმჯდომარემ ეკა ბესელიამ პირველი მოადგილის თანამდებობაზე 3 კანდიდატურა წარადგინა, ესენი არიან გედევან ფოფხაძე, ლევან გოგიჩაიშვილი და რუსლან პოღოსიანი. ბესელიას განცხადებას კომიტეტის თავმჯდომარის მოადგილე დავით მათიკაშვილი გამოეხმაურა და აღნიშნა, რომ ეს რეგლამენტის დარღვევაა, რადგან დღის წესრიგში მსგავსი საკითხი სამი დღით ადრე უნდა შეეტანათ. მისი თქმით კომიტეტის დღის წესრიგში მხოლოდ გედევან ფოფხაძის კანდიდატურაა შეყვანილი, შესაბამისად, კიდევ ორი კანდიდატურის დამატება შესაძლებელი არ არის.

მათიკაშვილს არ დაეთანხმა ეკა ბესელია და განაცხადა, რომ რეგლამენტის თანახმად. კომიტეტის თავმჯდომარის პირველი მოადგილის თანამდებობაზე შესაძლებელია წარდგენილი იყოს ორზე მეტი კანდიდატი.