"ეს არის შეუძლებელი, თავშია პრობლემა"- ნიკა მელიას თქმით, სასამართლოში შექმნილი კრიზისის მთავარი მიზეზი ბიძინა ივანიშვილია

პოლიტიკა - 19:35, 29 Dec, 2018

1024

არასამთავრობო სექტორის მოთხოვნას იუსტიციის უმაღლესი საბჭოს ხელახალი დაკომპლექტების შესახებ ოპოზიცია მხარს უჭერს. მიუხედავად ამისა, ხელისუფლების ოპონენტებს ეჭვი ეპარებათ, რომ მმართველი გუნდი ამ შეთავაზებას დათანხმდება.ნაციონალური მოძრაობის პოლიტსაბჭოს თავმჯდომარის ნიკა მელიას აზრით ქართული ოცნება არ დაუშვებს, ბიძინა ივანიშვილის სურვილის წინააღმდეგ წასვლას და შესაბამისად, იუსტიციის უმაღლესი საბჭოს წევრები თანამდებობს არ დატოვებენ.

„მივესალმები არასამთავრობო ორგანიზაციების ამ შემოთავაზებას, ინიციატივას, მაგრამ აქვე არ შემიძლია, ვთქვა, რომ ეს არის შეუძლებელი იმიტომ, რომ სად გვიწევს ახლა ცხოვრება? გამომძიებელს გამომძიებლობა, პროკურორს პროკურორობა, მოსამართლეს მოსამართლეობა გვიწევს ოლიგარქატის პირობებში. საკუთარ თავს განაჩენს გამოუტანს ბიძინა ივანიშვილი და ვინმეს მისცემს შესაძლებლობას, ქართული ოცნების დეპუტაცია მაქვს მხედველობაში, რომ გააკეთოს ქართული ოცნების დეპუტაციამ ის, რაც ბიძინა ივანიშვილს არ უნდა და დანარჩენ საღად მოაზროვნე საზოგადოებას უნდა, მათ შორის, არასამთავრობო ორგანიზაციას, ეს არის გამორიცხული. თავში არის პრობლემა.“ - განაცხადა ნიკა მელიამ.