ბრიტანეთის სამეფო საზღვაო ძალების ჰიდროგრაფიული ხომალდი ბათუმშია. გემის ეკიპაჟს პორტში საზეიმო დახვედრა მოუწყეს. ხომალდის მეთაურობას, ტრადიციულად, ქართული ღვინით გაუმასპინძლდნენ. საზეიმო ცერემონიალს აჭარის მთავრობის თავმჯდომარე თორნიკე რიჟვაძე ესწრებოდა. აჟღერდა ორი ქვეყნის სახელწიფო ჰიმნები. შავი ზღვის აკვატორიაში შემოსვლა დიდი ბრიტანეთის მიერ საერთაშორისო წყლებში თავისუფალი ნავიგაციის პრინციპების მხარდაჭერას უკავშირდება.

დიდი ბრიტანეთის საელჩოს მიერ გავრცელებულ ტექსტში აღნიშნულია, რომ ვიზიტით, დიდი ბრიტანეთი გამოხატავს შავი ზღვის უსაფრთხოების მტკიცე მხარდაჭერას. ხომალდი ბათუმს 30 დეკემბერს დატოვებს.