პატრიარქის ქორეპისკოპოსის მეუფე იაკობის განცხადებით სახელმწიფომ და პროკურატურამ „ციანიდის საქმის“ ნამდვილი ვერსია დამალა. როგორც ბოდბელი ეპისკოპოსი აცხადებს, დეკანოზი მამალაძე არა პატრიარქის მდივან რეფერანტის, შორენა თეთრუაშვილის, არაედ კათოლიკოს პატრიარქის მოწამვლას აპირებდა. მისი თქმით, ამაში დარწმუნებულები იყვნენ ხელისუფლების მაღალჩინოსნებიც, ამასთან დაკავშირებით მეუფე იაკობმა გიორგი კვირიკაშვილთან, გიორგი გახარიასთან და ვახტან გომელართან გამართული შეხვედრა გაიხსენა:

„ყოფილ პრემიერს რომ ვესაუბრე სხვა ძალოვნებთან ერთად მაგ თემაზე, არა მარტო გიორგი გახარია, ვახტანგ გომელაურიც იქ იმყოფებოდა... მეუფეო, რომელი იდიოტი დაიჯერებსო, რომ შორენას მოკვლა უნდოდათო, ხო იცი რაც უნდოდათო. ახლა მე ვიცი თუ არ ვიცი, ჩემი საქმეა, მაგრამ ყველამ იცოდა, სახელმწიფომ იცოდა“- განაცხადა მეუფე იაკობმა.