„ერთიანი ნაციონალური მოძრაობის“ პოლიტიკური საბჭოს თავმჯდომარე ნიკა მელია აცხადებს, რომ „ქართული ოცნება“ სხვადასხვა ჯგუფებად დაიყოფა. ამის შესახებ მელიამ „ტვ პირველის“ პირდაპირ ეთერში ისაუბრა:

“გარდაუვალია ამ ძალის დაშლა და შემდეგ განადგურება პოლიტიკური ველიდან, თვითლიკვიდაციას გამოაცხადებს „ქართული ოცნება“ აუცილებლად, არაფერზე ესენი არ დგანან, გარდა ფულისა და რაღაც მდგომარეობის შექმნისა, მათ არც სახელმწიფო ინტერესები იციან რა არის და ზუსტად იციან, რომ მოვიდნენ რაც შეიძლება ბევრი ფული რომ იშოვონ, ჩემი აზრით მომავალ საპარლამენტო არჩევნებამდე ეს გუნდი აუცილებლად დაიყოფა.

რამდენიმე გამონაკლისის გარდა, არავინ არ არის იქ თვითმყოფადი პოლიტიკოსი, ბიძინა ივანიშვილმა თავის წიაღში არც ერთი თვითმყოფადი პოლიტიკოსი არ დაბადა, შევარდნაძის და სააკშვილის დროს რამდენი პოლიტიკოსი დაიბადა, ბიძინა ივანიშვილის ინტერესებში არ შედის, მას უნდა წამყვან თანამდებობებზე ჰყავდეს მისი პირადი მცველები, მენეჯერები, ისინი დაფაზე ფიგურები არიან, გადაათამაშებს გადმოათამაშებს, მათ არარაობად თვლის, აინტერესებს სასამართლო ხელისუფლება, ვინაიდან არის მძლავრი ინსტრუმენტი პოლიტიკური რეპრეიებისთვის, როდესაც დასჭირდა ომეგას საქმეზე ერთ დღეში მოაგებინა პროცესი, იმიტომ რომ მის პოლიტიკურ ინტერესებს დასჭირდა.“, - აღნიშნა ნიკა მელიამ.