ლევან მურუსიძის სააპელაციო სასამართლოში უვადოდ გამწესების საკითხი - პარლამენტში აღნიშნულს კრიტიკულად აფასებენ. მურუსიძის უვადოდ გამწესებას საზოგადოების გამოწვევად აღიქვამს ისნის რაიონის მაჟორიტარი დეპუტატი დავით ჭიჭინაძე.

„ეს არის საზოგადოების გამოწვევა და ადრე, რომ იტყოდნენ, ხელთათმანი გადაუგდეს, ესროლეს საზოგადოებას და მე ვფიქრობ, საზოგადოება და ზოგიერთი ჯანმრთელი დეპუტატი ამას საკმაოდ კარგად მიაწვდის როგორც საჭიროა საზოგადოებას და მურუსიძეები და ეს ადამიანები საკადრის პასუხს მიიღებენ და აქტებით და ოქმებით მოქმედება არ ნიშნავს კანონიერებას. სამართლიანობა და კანონი ერთმანეთისგან აბსოლუტურად განსხვავდება და სამართლიანობა ყოველთვის უფრო მეტია, ვიდრე კანონიერება,“ - განაცხადა ჭიჭინაძემ.