"გიგაური თავისი ინიციატივით მოვიდა, ჩემთვის დიდი პატივია, თქვენთან გავაფორმოთ მემორანდუმიო... სამი თვის შემდეგ კი მე გავხდი მურუსიძე"

პოლიტიკა - 19:15, 27 Dec, 2018

1258

2 საათზე მეტია, რაც იუსტიციის უმაღლესი საბჭოს კითხვებს ლევან მურუსიძე პასუხობს რომელსაც უვადო მოსამართლედ დანიშვნა სურს.

"ჩემთან ეკა გიგაური თავისი ინიციატივით მოვიდა და ბრძანა, ჩემთვის დიდი პატივია, თქვენთან გავაფორმოთ მემორანდუმიო და გავაფორმეთ, სამი თვის შემდეგ კი მე გავხდი მურუსიძე"- განაცხადა მოსამართლე ლევან მურუსიძემ იუსტიციის უმაღლესი საბჭოს სხდომაზე.

მისი თქმით, მასზე უარყოფითი საუბრები დაიწყო მაშინ, როდესაც გახდა იუსტიციის აბჭოსმდივანი და ჩამოყალიბდა სასამართლოს ლიდერად.

„სასამართლო კონტიგენტზე არასამთავრობო ორგანიზაციის წარმომადგენლები იძახდნენ, ჩვენ სააკაშვილის ხელისუფლებისგან იმით უნდა ვიყოთ განსხვავებული, რომ არ უნდა გავუშვათ ეს მოსამართლეები ვადაზე ადრე, მაგრამ როდესაც მათ ვადა ამოეწურებათ, იმიტომ, რომ მუშაობდნენ სააკაშვილის პერიოდში მათ უნდა დატოვონ თანამდებობა. მე ვიყავი ამის პრინციპული წინააღმდეგი და ჩემს გარშემო გაერთიანდა სასამართლო კორპუსი და ზუსტად ამ სასამართლო კორპუსის გაერთიანების გამო, ჩვენ ვიბრძოდით დამოუკიდებლობისთვის. მე მეტსაც გეტყვით, ვიდრე ჩემს წინააღმდეგ ასეთი დარტყმები წამოვიდოდა, ჩემთან ეკა გიგაური თავისი ინიციატივით მოვიდა და ბრძანა, ჩემთვის დიდი პატივია, თქვენთან გავაფორმოთ მემორანდუმიო და გავაფორმეთ. სამი თვის შემდეგ კი, მე გავხდი მურუსიძე”, - განაცხადა მურუსიძემ.