სემეკმა თბოელექტროსადგურებს ტარიფები გაუზარდა. როგორც ცნობილია, გადაწყვეტილებას ამ ეტაპზე ელექტროენერგიის სამომხმარებლო ტარიფზე გავლენა არ ექნება. მოსახლეობისთვის ტარიფები 2019 წლის ბოლომდეა დამტკიცებული.

დღევანდელი გადაწყვეტილებით - „მტკვარი ენერჯის“ წარმოების ტარიფი 1.666 თეთრით გაიზარდა (11.097 თეთრამდე); „გარდაბნის თბოსადგურის“ – 0.310 თეთრით (8.322 თეთრამდე); „საქართველოს საერთაშორისო ენერგეტიკული კორპორაციის“ მესამე და მეოთხე ბლოკის – 1.251 თეთრით (12.761 თეთრამდე), ხოლო „მტკვარი ენერჯის“ – 0.134 თეთრით (11.646 თეთრამდე).