დიდი განხეთქილება „ოცნების“ უმრავლესობაში - „ეს კითხვა დაუსვით ზარდიაშვილს“

პოლიტიკა - 14:30, 27 Dec, 2018

2722

"ქართული ოცნების" წევრი, დეპუტატი ლევან გოგიჩაიშვილი ჟურნალისტებს ურჩევს, ვანო ზარდიაშვილს კითხვა დაუსვან ლობირებდა თუ არა ის მიხეილ ჩინჩალაძის დანიშვნას უზენაესი სასამართლოს უვადო წევრად.

დეპუტატმა ეს განცხადება ჟურნალისტების შესაბამისი კითხვის საპასუხოდ გააკეთა:

„ეს კითხვა დაუსვით ზარდიაშვილს, დაუჭერდა თუ არა ჩინჩალაძეს მხარს,"- განაცხადა ლევან გოგიჩაიშვილმა.
რაც შეეხება ეკა ბესელიას გადაწყვეტილებას, რომელმაც იურიდიული კომიტეტის თავმჯდომარის პოსტი ცოტა ხნის წინ დატოვა, დეპუტატი გოგიჩქაიშვილი ამბობს, რომ ახალ თავმჯდომარედ უნდა აირჩიონ ისეთი პირი, ვინც მოსამართლეთა წარდგენილ სიას მხარს არ დაუჭერს.

"გუშინდელი სია პარლამენტში ჩავარდა - ისინი ფიქრობდნენ, რომ ეს სია ხვალ გავიდოდა, ეს ადამიანები ჩვენ ხალხს მომავალს მოსტაცებდნენ. განცხადება, რომ პარლამენტმა საკითხი გადადო მოდიოდა იურიდიული კომიტეტიდან. ეს საკითხი კომიტეტზე არ გავიდოდა. ეს იყო ძალიან პრინციპული საკითხი, იურიდიული კომიტეტის წევრების.

ჩვენთვის მნიშვნელოვანია ის პროცესი, რომელიც უნდა დაიწყოს მოსამართლეთა შერჩევასთან დაკავშირებით. იურიდიული კომიტეტის თავმჯდომარის მოვალეობის შემსრულებელს ჩვენ დღეს ავირჩევთ. იურიდიული კომიტეტის თავმჯდომარე არ უნდა იყოს ის ადამიანი, რომელიც ხვალ რომ ეს საკითხი გასულიყო, ჩინჩალაძეს მხარს დაუჭერდა. იურიდიული კომიტეტის თავმჯდომარე იქნება ის ადამიანი, ვინც პრინციპულად დაიცავს იმ პოზიციას, რომ მაღალი საზოგადოებრივი ინტერესით, შესაბამისი პროცედურების დაცვით, მოხდეს უზენაესი სასამართლოს თავმჯდომარეების არჩევა"- განაცხადა ლევან გოგიჩაიშვილი.

ამასთან, ბესელიას გადადგომამ ნათელი გახადა, რომ „ოცნების“ უმრავლესობაში დიდი განხეთქილებაა.