საპატრიარქოში წმინდა სინოდის სხდომა მიმდინარეობს. საპატრიარქოში შესვლამდე ჭყონდიდის მიტროპოლიტმა მეუფე პეტრემ განაცხადა, რომ ე.წ. ციანიდის საქმესთან დაკავშირებით, რაც ხელისუფლებამ ჩაიდინა, იმის დაგმობა უნდა მოხდეს. მეუფე პეტრე აცხადებს, რომ ე.წ. ციანდისი საქმეზე მართლმსაჯულება არ აღსრულებულა:

"მე ვფიქრობ, სასამართლოს სამივე ინსტანციის შემდეგ ე.წ. ციანიდის საქმეზე უნდა მოხდეს უსამართლობის მხილება და ცინიზმი საქართველოს პროკურატურისა და სასამართლოსი, რომელმაც სამარცხვინო განაჩენი გამოიტანა და ფაქტობრივად, მართლმსაჯულება არ აღსრულებულა ამ საქმესთან დაკავშირებით. უნდა მოხდეს მხილება ყოფილი თუ მოქმედი პირველი პირების უპასუხისმგებლობის, რომლებმაც საზოგადოება შეცდომაში შეიყვანეს, როდესაც ე.წ. ციანიდის საქმეზე უდანაშაულობის პრეზუმფციის დარღვევით გააკეთეს განცხადებები და ვფიქრობ, უნდა ამხილონ ეს უსჯულოება და ბოროტება და დაიგმოს, რაც ხელისუფლებამ ჩაიდინა ე.წ. ციანიდის საქმესთან დაკავშირებით", - განაცხადა მეუფე პეტრემ.