"ივანიშვილმა უკან დაიხია" - ოპოზიცია პარლამენტში მოსამართლეთა სიის განხილვის გადადებას აფასებს

პოლიტიკა - 09:50, 27 Dec, 2018

1014

"ქარტული ოცნების" წევრი ლევან გოგიჩაიშვილი ამბობს, რომ პარლამენტში წარმოდგენილი უზენაესი სასამართლოს მოსამართლეთა სია ვერ გავა.

დეპუტატს კითხვები აქვს მოსამართლე ჩინჩალაძესთან.

„ეს სია ვერ გავა საქართველოს პარლამენტში, შესაბამისად აუცილებელია კრიტერიუმები. ჩვენ ისედაც ვიცოდით რომ ამ საკითხებზე უნდა დაგვეწყო მსჯელობა საგაზაფხულო სესიაზე. ეს პროცესი არის ღია პროცესი, ამას უკან უკვე ვეღარავინ მოაბრუნებს. ჩვენ შევიმუშავებთ კრიტერიუმებს, სადაც ჩინჩალაძე ვერ დააკმაყოფილებს მას,“-განაცხადა ლევან გოგიჩაიშვილმა.

ფაქტს, რომ უზენაესი სასამართლოს მოსამართლეობის 10 კანდიდატი, პარლამენტმა არ დაამტკიცა ივანიშვილის მხრიდან უკან დახევად მიიჩნევს ოპოზიცია.

„მნიშვნელოვანია, რომ ივანიშვილმა უკან დაიხია და სასამართლოს მმართველმა ჯგუფმა. მათ ამ ეტაპზე არ გაუვიდათ ის ნაბიჯი, რომ თავს მოეხვიათსაზოგადოებისთვის უზენაესი სასამართლოს კანდიდატები. ახლა მეორე ეტაპი არის წინ. საგაზაფხულო სესიისთვის უნდა გაიწეროს პროცედურები,“-განაცხადა პარლამენტის ფრაქცია ”ევროპული საქართველოს” თავმჯდომარემ ოთარ კახიძემ.

ხატია დეკანოიძეს მმართველი გუნდის წევრების ფიქტიური ნაბიჯის არ სჯერა.

„რეალურად ჩვენ ამ ფიქტიური ნაბიჯის არ გვჯერა. მთვარია რომ შეიცვალოს მთლიანად სისტემა. მახინჯი სისტემა მართლმსაჯულების რომ კანონის ყველა რგოლი ემსახურებოდეს სამართლიანობას და არ ემსახურებოდეს ერთ ადამიანს,“-განაცხადა ხატია დეკანოიძემ.