რუსთაველის გამზირზე პანკისის ხეობაში ჩატარებული სპეცოპერაციისას მოკლული თემირლან მაჩალიკაშვილის ოჯახის წევრები და ახლობლები შეიკრიბნენ. მალხაზ მაჩალიკაშვილი ხელისუფლებას მისი შვილის მკვლელობაში ადანაშაულებს და ამბობს, რომ ერთი წლის განმავლობაში მმართველი გუნდისგან არც თანაგრძნობა და არც საქმის გამოძიების სურვილი არ უგრძვნია.

„ერთიანი ნაციონალური მოძრაობა“ აღნიშნული საქმის გამოსაძიებლად პარლამენტში დროებიტი საგამოძიებო კომისიის შექმნას მოითხოვს:

„ერთი წელიწადი გავიდა ახალგაზრდა ადამიანის, ,ბავშვის დახვრეტიდან საკუთარ ლოგინში. ამის შემდეგ რა გააკეთა ხელისუფლებამ?- კი არ გამოიძია, ბოდიშიც არ მოუხდია.

ჩვენ ვიქნებით მომხრე და გავაკეთებთ ყველაფერს, რომ საგამოძიებო კომისია საკანონმდებლო ორგანოში შეიქმნას და ვნახოთ ქართული ოცნება რას იტყვის, რა არგუმენტით აღიჭურვება თუკი ის გაბედავს და იტყვის,რომ მერე რა, რომ ბავშვი დახვრიტეს საკუთარ ლოგინში მაინც არ შევქმნით საგამოძიებო კომისიას და მოდი ამაზე არ ვისაუბროთ,“-აცხადებს ნიკა მელია.