პარლამენტშო დღეს რგგარეშე სხდომა გაიმართენა, რომლის ერთ-ერთი მთავარი თემა მძიმე დანაშაულების გამოძიების ხანდაზმულობის ვადის 5 წლით გახანგრძლივება იქნება. სისხლის სამართლის კოდექსში შესატანი ცვლილების განხილვა საკანონმდებლო ორგანოში დაჩქარებული წესით მიმდინარეობს. კანონპროექტი მიზნად ისახავს განსაკუთრებით მძიმე დანაშაულის გამოძიების წარმართვისათვის ხანდაზმულობის ვადის 5 წლით გაზრდას.

„განსაკუთრებით მძიმე კატეგორიის დანაშაულები, რომელსაც მიეკუთვნება მკვლელობა, ყაჩაღობა, თავისუფლების უკანონო აღკვეთა, ტერორისტული აქტი და სხვა ადამიანის სიცოცხლისა და ჯანმრთელობისაკენ მიმართული ძალიან მძიმე შემთხვევები შესაძლოა დღეს კანონით დადგენილი ხანდამულობის ვადის გამო დარჩეს გაუხსნელი ან დამნაშავე დაუსჯელი. ამ კატეგორიის დანაშაულთა სპეციფიკიდან გამომდინარე, დადგა საკითხი კანონით დადგენილი ხანდაზმულობის ვადის გაზრდისა, რადგან გამოძიებისთვის პრაქტიკაში არის შემთხვევები, როდესაც გამოძიება შესაძლოა შეწყდეს ამ მოტივით. შესაბამისად, საჭიროა სულ მინიმუმ განსაკუთრებით მძიმე კატეგორიის დანაშაულობების შემთხვევებში კიდევ უფრო ხანგრძლივი ხანდაზმულობის ვადა არსებობდეს. ეს მთლიანობაში ეხება სამართლიანობის აღსრულების იდეას.“- ნათქვამია კანონპროექტის განმარტებით ბარათში. ცვლილება შედის საქართველოს სისხლის სამართლის კოდექსის 71-ე მუხლის პირველ ნაწულში. კერძოდ: განსაკუთრებით მძიმე კატეგორიის დანაშაულისათვის პირის სისხლისსამართლებრივი პასუხისმგებლობისაგან გათავისუფლების ხანდაზმულობის ვადა, ნაცვლად ოცდახუთი წლისა განისაზღვრება ოცდაათი წლით.