მსხვერპლით დასრულდა ავტოსაგზაო შემთხვევა ცოტნე დადიანის ქუჩაზე, თექვსმეტსართულიანი კორპუსის წინ: ავარიის შედეგად ერთი მამაკაცი დაიღუპა.

ინფორმაცია „ნიუპოსტს“ თვითმხილველმა მიაწოდა. მისი თქმით, ჯიპის ტიპის ავტომობილი დაბალი გამავლობის მანქანას შეეჯახა. 

შეჯახება იმდენად ძლიერი იყო, რომ კიდევ ორი ავტომობილი დაზიანდა, ხოლო მსუბუქ ავტომანქანაში მსხდომი მგზავრებიდან ერთერთი დაიღუპა.

შსს-ს პრესსამსახურში მომხდარი ფაქტი „ნიუპოსტს“ დაუდასტურეს და განაცხადეს, რომ აღძრულია სისხლის სამართლის საქმე და მიმდინარეობს გამოძიება.

შენიშვნა: ფოტოილუსტრაცია