ზუგდიდი მერიის ზედამხედველობისა და არქიტექტურის სამსხურის უფროსმა ლაშა ჯაიანმა თანამდებობა საკუთარი განცხადების საფუძველზე დატოვა. აღნიშნულ ინფორმაციას ზუგდიდის მერიაში ადასტურებენ.

აღსანიშნავია, რომ არასამთავრობო ორგანიზაცია „საერთაშორისო გამჭვირვალობა - საქართველომ“ ზუგდიდის მერიის ზედამხედველობის სამსახურის უფროსის ყოფილი კომპანიის შესახებ ინფორმაცია რამდენიმე დღის წინ გამოაქვეყნა.

არასამთავრობო ორგანიზაციის ცნობით, ზუგდიდში ტენდერებს მერიის ზედამხედველობის სამსახურის უფროსის ლაშა ჯაიანის ყოფილი კომპანია იგებს.