საქართველოს ეკონომიკის მინისტრი პარლამენტში დეპუტატების კითხვებს პასუხობს. გიორგი ქობულიას „ევროპული საქართველოს“ ერთ-ერთმა ლიდერმა ზურაბ ჭიაბერაშვილმა მიმართა და განაცხადა, რომ არსებული ეკონომიკური ზრდით, საქართველო ევროკავშირის ყველაზე ღარიბ ქვეყანასაც კი ვერ დაეწევა:

„თქვენ პასუხი უნდა გასცეთ ამ ქვეყნის მოსახლეობას ძალიან მარტივ კითხვაზე, ევროკავშირის ყველაზე ღარიბ ქვეყანას როდის დავეწევით? და ამ ეკონომიკური ზრდით, საშუალოდ 6 წლის განმავლობაში, 4%-იანი ეკონომიკური ზრდით, ვერ დავეწევით ათწლეულები ევროკავშირის ყველაზე ღარიბ ქვეყანას. თქვენს პირობებში, ვიცით, რომ 2013-17 წლებში 3,7% იყო. თუ 2018 წლის მონაცემით გავასაშუალებთ, ცოტა მართალი იქნება. ეს კატასტროფული რიცხვებია,“ - განაცხადა ზურაბ ჭიაბერაშვილმა.