სრულიად საქართველოს კათოლიკოს-პატრიარქის, ილია მეორის აღსაყდრებიდაბ 41 წელი გავიდა. აღნიშნულთან დაკავშრებით საზეიმო წირვა დღეს სვეტიცხოვლის საკათედრო ტაძარში ჩატარდა.

კათოლიკოს-პატრიარქმა სვეტიცხოვრლის ტაძარში ქადაგებისას განაცხადა, რომ მძიმე 41 წელი იყო, მაგრამ იგი ხალხის დახმარებას და ღვთის ლოცვა-კურთხევას გრძნობდა:

„თქვენო აღმატებულებავ ქალბატონო პრეზიდენტო, ბატონო პრემიერ-მინისტრო, თქვენო ყოვლადსამღვდელოება, სულიერო შვილებო. 41 წელი მძიმე წლები იყო, მაგრამ მუდამ ვგრძნობდი თქვენს დახმარებას და ღვთის ლოცვა-კურთხევას. ეს ლოცვა-კურთხევა ღვთის თანმდევი იყო მუდამ, სადაც კი ვიყავი. წყალობა შენი უფალო თანამავალ მეყავ მე ყოველთა დღეთა ცხოვრებისა. ყოველი ადამიანი ღვთის განგების ქვეშ არის. ღმერთი აკისრებს ჯვარს. იგივე ღმერთი აძლევს ძალას, რომ დასძლიოს და ბოლომდე მიიტანოს ის ჯვარი.

ჩვენი ერი მოსიყვარულე ერია. თქვენი სიყვარული რომ არყოფილიყო, ვერ შევძლებდი, ბოლომდე მიმეტანა ეს ჯვარი. დალოცვილი იყავით და გაიხარეთ. დიდება და მადლობა ღმერთს“, – განაცხადა ილია მეორემ.