ენერგოომბუდსმენის ანგარიშში ბუნებრივ აირზე ფასის მატება, წყალმომარაგებასა და ელექტოენერგიის სექტორში არსებული პრობლემები მოხვდა.

ენერგოომბუდსმენმა გასული წლის საქმიანობა დღეს შეაჯამა და არსებულ პრობლემებზე ისაუბრა. სალომე ვარდიაშვილმა მტავარ გამოწვევად წყალმომარაგების სექტორი დაასახელა და განაცხადა, რომ ელექტროენერგეტიკის სექტორში პრობლემები არსებობს. , რადგან რეგიონების უმეტესობას მოძველებული ინფრასტრუქტურა აქვს.

სალომე ვარდიაშვილის განცხადებით, 2018 წელს ენერგოომბუდსმენს დახმარების მიზნით 5 ათასზე მეტმა მოქალაქემ მიმართა. ომბუდსმენი ამბობს, რომ აირის ტარიფის გადახედვასთან დაკავშირებით უწყება პრინციპულ პოზიციებს აფიქსირებს, თუმცა მისი გათვალისწინება მარეგულირებელი კომისიის საქმეა.

“სატარიფო საქმის წარმოებაში ენერგო ომბუდსმენის აპარატი ყოველთვის ჩართული არის. ჩვენ გვაქვს ჩვენი პრინციპული მიდგომები ამ მიმართულებით. გვაქვს ხოლმე წინადადებები, რომელსაც მარეგულირებელი კომისია ან ითვალისწინებს ან ვერ ითვალისწინებს. რაც შეეხება გაზის სექტორს, ამ მხრივ ყველაზე ხშირად საჩივრები ფიქსირდებოდა ახალი აბონენტების ბუნებრივი გაზის ქსელზე დაერთების კუთხით, რომლებიც ასევე ვადების გაჭიანურებაზე მიუთითებდნენ, ხოლო ელექტროენერგეტიკის სექტორში მთავარ გამოწვევად კვლავ რეგიონები გვაქვს იმიტომ, რომ იქ მოძველებული ინფრასტრუქტურის თემა ისევ და ისევ აქტუალური არის.“ - განაცხადა სალომე ვარდიაშვილმა.