„ლარი შეიძლება მხოლოდ იმისგან გაიაფდეს თუ იქნება ფსიქოლოგიური დაწოლა და პანიკური მოვლენები“

„ლარი შეიძლება მხოლოდ იმისგან გაიაფდეს თუ იქნება ფსიქოლოგიური დაწოლა და პანიკური მოვლენები“ - ეკონომიკის მინისტრი

პოლიტიკა - 14:31, 25 Dec, 2018

1378

ლარი შეიძლება გაიაფდეს, თუ იქნება ფსიქოლოგიური დაწოლა და პანიკური ხასიათის მოვლენები - ეს განცხადება ეკონომიკისა და მდგრადი განვითარების მინისტრმა გიორგი ქობულიამ პარლამენტში, დარგობრივი ეკონომიკის კომიტეტის სხდომაზე გააკეთა.

მისივე თქმით, შეუძლებელია ქვეყანაში ლარი დავარდეს, მაშინ როცა დოლარის მოცულობა ეკონომიკაში მაღალია.

„ძირითადი გზავნილი აქ შემდეგია. ჩვენ არაერთხელ გვითქვამს, რომ ლარის კურსს აქვს სტაბილურობა და ის შეიძლება იყოს გამყარებული კიდევაც, მაგრამ როგორც მინიმუმ, იქნება სტაბილური, საიდან მოგვაქვს ჩვენ ეს აზრები, ეს არ არის ჩვენი განცდა. ეს არის მათემატიკაზე დამყარებული დასკვნები. ლარის კურსი რომ დაეცეს, დოლარი უნდა იყოს ნაკლები ეკონომიკაში, დოლარი უნდა გავიდეს სადღაც ან იმპორტში უნდა გავიდეს. მოგიყვანეთ დაანგარიშება 2017-2018 წლებს შორის, ლარი ნაკლები კი არა, 65 მილიონი დოლარით მეტი დოლარი იყო ეკონომიკაში. რისგან უნდა გაიაფდეს ლარი. ლარი შეიძლება ამ სიტუაციაში მხოლოდ იმისგან გაიაფდეს თუ იქნება დიდი ფსიქოლოგიური დაწოლა და პანიკური ხასიათის მოვლენები, თორემ ფუნდამენტალურად მეტია დოლარი და როგორ შეიძლება ლარი დავარდეს. ამას ფიზიკის და ეკონომიკის კანონები ეწინააღმდეგება,"- განაცხადა გიორგი ქობულიამ.

ეკონომიკის მინისტრი პარლამენტში დღეს მოხსენებით წარსდგა.