„დღეს საქართველოს ეკონომიკა არის 2-ჯერ მეტი, ვიდრე იყო საბჭოთა კავშირის დანგრევამდე“

„დღეს საქართველოს ეკონომიკა არის 2-ჯერ მეტი, ვიდრე იყო საბჭოთა კავშირის დანგრევამდე“ - ეკონომიკის მინისტრი

პოლიტიკა - 14:21, 25 Dec, 2018

3203

საქართველოს ეკონომიკისა და მდგრადი განვითარების მინისტრმა გიორგი ქობულიამ პარლამენტის დარგობრივი ეკონომიკის კომიტეტის სხდომაზე ქვეყნის ეკონომიკური ზრდის სტრატეგიის ძირითად მიზნებსა და გამოწვევებზე ისაუბრა. მინისტრმა არსებული ეკონომიკური ვითარება საბჭოთა კავშირის პერიოდს შეადარა და თქვა, რომ დღეს ეკონომიკა მსყიდველობითი უნარიანობით 2-ჯერ მეტია, ვიდრე ეს იყო საბჭოთა პერიოდში.

„90 წელს, როდესაც საბჭოთა კავშირი მთავრდებოდა, 5 ათასი დოლარი იყო სულ მოსახლეზე მსყიდველობითი უნარით, ჩვენი ეკონომიკა, როგორც მისი მთლიანი შიდა პროდუქტი. რის შემდეგაც საქართველოში, ეკონომიკამ განიცადა არანორმალური, კატასტროფული დაცემა. ანუ 1993 წლისთვის პრაქტიკულად სამჯერ დაეცა ეკონომიკა. ასეთი დაცემა საბჭოთა კავშირის დანგრევის შემდეგ არც ერთ რესპუბლიკაში არ მომხდარა. ანუ ჩვენ 93-94 წლისთვის და 95-შიც, ჩავვარდით უმძიმეს მდგომარეობაში.

რა ხდება ამის მერე? ამ 95 წლის მერე, ჩვენ ვხედავთ, რომ იწყება საქართველოს ეკონომიკის აღორძინება და ეს ეკონომიკის ზრდა პრაქტიკულად ყოველ წელიწადს არის დადებითი. ერთადერთი, იყო 2008-დან 2009-მდე, როდესაც კატასტროფული კრიზისი იყო და იყო ჩავარდნა, მარა დროებითი. ეს იყო მთელ მსოფლიოში უდიდესი ჩავარდნა, მარა მის შემდეგ საქართველოს ეკონომიკა იზრდება.

დღეს საქართველოს ეკონომიკა, თავისი მსყიდველობითი უნარით, არის 2-ჯერ მეტი, ვიდრე იყო საბჭოთა კავშირის დანგრევამდე, ამიტომ არავის არ უნდა შეგვეპაროს ეჭვი, რომ ჩვენ ვვითარდებით და ვვითარდებით საკმაოდ კარგი ტემპებით. ” - განაცხადა ეკონომიკის მინისტრმა გიორგი ქობულიამ.