საარსებო შემწეობების ადმინისტრირების მონიტორინგის ფარგლებში სახელმწიფო აუდიტის სამსახურმა სოციალურად დაუცველი მოქალაქეებისათვის მინიჭებულ ქულებში დარღვევები გამოავლინა. ინფორმაციული ტექნოლოგიების აუდიტის სამსახურის უფროსი, დავით შავგულიძე ამბობს, რომ სოციალურად დაუცველების შესახებ ინფორმაცია ბევრად უფრო კონფიდენციალური უნდა იყოს, ვიდრე დღეს არის.

„აქცენტი გაკეთდა საარსებო შემწეობის ქულის გამოანგარიშებაზე, ამ ქულის ვალუტაციის საკითხებზე და წყარო მონაცემებზე. საკანონმდებლო მოთხოვნა ანუ ქულის გამოანგარიშებისას, თუმცა უფრო მნიშვნელოვანი შეიძლება იყოს ის, რომ ყველა მაძიებელი და ყველა სოციალურად დაუცველი ადამიანი იყოს თანაბარ პირობებში და მოხდეს ქულების ობიექტურად დაანგარიშება. მათთვის სავალდებულოა ინფორმაციული მოთხოვნების შესრულება. ამ ეტაპზე სამინისტროს მნიშვნელოვანი გამოწვევები აქვს ამ მიმართულებით, არ აქვს შემუშავებული ინფორმაციული უსაფრთხოების პოლიტიკა და ხშირ შემთხვევაში აქტიური დაცვის მექანიზმები, რაც საბოლოო ჯამში, შეიძლება მიზეზი იყოს იმის, რომ არსებობს რისკი მნიშვნელოვანი სენსიტიური ინფორმაციის არაავტორიზებული წვდომისა,“ - განაცხადა დავით შავგულიძემ.

სახელმწიფო აუდიტის სამსახურს კი ჯანდაცვის სამინისტროს შიდა აუდიტის უფროსი, კახაბერ ძიმისტარიშვილი პასუხობს:

„ბუნებრივი აირის მონაცემები მოიპოვებოდა სოციალური აგენტის მიერ ოჯახში მისვლის დროს. ახლა უკვე 20 ივლის გაფორმდა „სოკარ ჯორჯიასთან“ და მონაცემები იქიდან მოგვეწოდება. რაც ასაკის ველში ცვლილებებს, ასაკის ველი არის ცოტა მტკივნეული თემაა, იმიტომ, რომ იქ სხვადასხვა ცვლადია კიდევ შესაცვლელი ასაკთან ერთად და ასაკის ველის ცვლილებისას სხვა ცვლადების შეცვლა, მაგალითად, ისეთი ცვლადის, როგორიც არის საარსებო მინიმუმი, არ შეესაბამება პროგრამის მიზანს და დიზაინს. ინფორმაციული წვდომა ისედაც შეზღუდულია სააგენტოში, ამას ძალიან მკაცრად იცავენ. მეც არ მაქვს წვდომა ბაზაზე, როგორც დეპარტამენტის ხელმძღვანელს შიდა აუდიტისა, რამდენიმე თანამშრომელი ავტორიზებულად შედის, მხოლოდ და მხოლოდ, ამ ბაზაში,“- განაცხადა კახაბერ ძიმისტარიშვილმა.