საქართველოს წინაშე არსებული საფრთხეებისა და გამოწვევების შესახებ ოფიციალური ნორმატიული აქტი ქვეყნის ხელისუფლებამ 2010 წელს მიიღო, რომლის ვადაც 2013 წელს ამოიწურა.

მას შემდეგ ეს დოკუმენტი არ განახლებულა. ნორმატიული ვაკუუმის ამოვსება საქართველოს სტრატეგიული ანალიზის ცენტრში სცადეს, სადაც ქვეყნის წინაშე არსებული გამოწვევები გააანალიზეს და ხელისუფლებისთვის კონკრეტული რეკომენდაციებიც შეიმუშავეს.

ორგანიზაციის წევრები ამბობენ, რომ დოკუმენტი რეკომენდაციის ხასიათს ატარებს. მასში შესულია 4 ძირითადი საკითხები. მთავარ საფრთხედ დოკუმენტის მიხედვით კვლავ რუსეთი განიხილება. დასკვნაში მითითებულია, რომ რუსეთი გავლენის სფეროების გაზრდას ცდილობს საქართველოში.

„ბოლო 5 წელია საქართველოს ხელისუფლებას არ მოუმზადებია ღია საფრთხეების შეფასების დოკუმენტი. ეს არის ვალდებულება მისი კანონით და ეს არის მორალური ვალდებულება, რომ საკუთარ მოქალაქეებს ამცნოს ხელისუფლებას თუ რა საფრთხეების და გამოწვევების წინაშე დგას ქვეყანა. სამწუხაროდ მიუხედავად კანონში მითითებული მუხლისა ეს პროცესი არ ხდება საქართველოში. ამბობენ, რომ დახურული ვერსია აქვთ მაგრამ ჩვენთვის არის აქტუალური რომ ღია ვერსია რომელიც მოქალაქეებზე ვრცელდება. ამიტომ ჩვენ შევქმენით საინიციატივო ჯგუფი. ანალიტიკურმა ჯგუფმა დაწერა ეს საფრთხეების დოკუმენტი,“-განაცხადა სტრატეგიული ანალიზის ცენტრის (GSAC) დამფუძნებელმა ნოდარ ხარშილაძემ.