ლონდონში საქართველოს საელჩოს შენობის შესაძენად 3 520 000 ფუნტი სტერლინგი გამოიყო. თანხას, პრემიერ-მინისტრის განკარგულების თანახმად, საგარეო საქმეთა სამინისტრო გამოყოფს.

ძირითადი ხარჯის გარდა, 105 ათასი ფუნტი გათვალისწინებულია სამაკლერო მომსახურებისთვის.

შეძენილ შენობაში განთავსდება დიდი ბრიტანეთისა და ჩრდილოეთ ირლანდიის გაერთიანებულ სამეფოში საქართველოს საელჩო და საერთაშორისო საზღვაო ორგანიზაციაში საქართველოს მუდმივი წარმომადგენლობა.