ტყიბულში ორ ახალგაზრდას შორის მომხდარი სიტყვიერი და ფიზიკური დაპირისპირების შედეგად, 26 წლის მამაკაცი წყლის საწრეტ არხში ჩავარდა და რკინის მავთულზე დაცემის შედეგად სხეულის მსუბუქი დაზიანებები მიიღო.

ტყიბულის საავადმყოფოშია გადაყვანილი. ექიმის ინფორმაციით, პაციენტის მდგომარეობა სტაბილურია. მას სხეულზე, ორ ადგილზე ნაკვეთი ჭრილობა აქვს.

შინაგან საქმეთა სამინისტრომ მომხდარ ფაქტთან დაკავშირებით გამოძიება სისხლის სამართლის კოდექსის 118-ე მუხლით დაიწყო, რაც განზრახ სხეულის ნაკლებად მძიმე დაზიანებას გულისხმობს.