„ევროპული საქართველოს“ ერთ-ერთი ლიდერი ოთარ კახიძე ზუგდიდში ჩავიდა და მე-6 საჯარო სკოლის გარდაცვლილი დირექტორის, ია კერზაიას საქმის გამოძიების მოთხოვნით გამართულ აქციას შეუერთდა.

„მართლმსაჯულების განხორციელებისთვის ბრძოლაში ბაჩანა შენგელიას გვერდში დავუდგები"- განუცხადა მან ჟურნალისტებს.

დეპუტატის შეფასებით, ხელისუფლება მასწავლებლებს და რესურსცენტრის ხელმძღვანელებს განიხილავს არა როგორც ღირსების მქონე ინდივიდებს, არამედ როგორც ადმინისტრაციულ რესურსს.

"ეს არის ამორალური პრაქტიკა და სამწუხაროდ, ახალი არ არის და ყველა ხელისუფლება ცდილობს ამას სხვადასხვა დოზით. ამას უნდა დაესვას წერტილი და მე აქ ვარ იმიტომ, რომ მსგავსი ფაქტები სამომავლოდ არ განმეორდეს“, - განაცხადა კახიძემ.