"სალომე ზურაბიშვილს არ აქვს პირდაპირი პოლიტიკური ლეგიტიმაცია. მან უნდა იცეკვოს "ქართული ოცნების" დაკრულზე, მეტი გამოსავალი არ აქვს" -გია ხუხაშვილი

პოლიტიკა - 19:16, 21 Dec, 2018

1395

საქართველოს მეხუთე პრეზიდენტმა სალომე ზურაბიშვილმა ცესკო-ს თავმჯდომარეობის კანდიდატების დაასახელა. აღნიშნულს ეხმაურება ექსპერტი გია ხუხაშვილი, რომელიც აცხადებს, რომ სალომე ზურაბიშვილს არ აქვს პირდაპირი პოლიტიკური ლეგიტიმაცია და „ქართული ოცნების“ დაკრულზე უნდა იცეკვოს, რადგან სხვა გამოსავალი არ აქვს:

"გამომდინარე იქიდან, რომ სალომე ზურაბიშვილს არ აქვს რეალური ლეგიტიმაცია, თვითონაც აცნობიერებს, რომ „ქართულმა ოცნებამ“ ფაქტობრივად ასმაგი გადაიხადა მის გაპრეზიდენტებაში. მე არ ვამბობ მხოლოდ რესურსების ღირებულებაზე, პოლიტიკური „ფასი“ გადაიხადა ძალიან მაღალი, შესაბამისად, სალომე ზურაბიშვილს არ აქვს პირდაპირი პოლიტიკური ლეგიტიმაცია. ის ძალიან სუსტი ფიგურაა ჯერჯერობით ამ პოლიტიკურ დაფაზე. ხვალ და ზეგ არ გამოვრიცხავ ეს მობეზრდეს. ბუნებრივია, მან უნდა იცეკვოს „ქართული ოცნების“ დაკრულზე, მეტი გამოსავალი მას არ აქვს“,- განაცხადა ხუხაშვილმა.

პრეზიდენტმა ცესკო-ს თავმჯდომარის თანამდებობაზე სამი კანდიდატი წარადგინა: მარიამ შელეგია, თამარ ჟვანია და ვლადიმერ ბოჟაძე.