"მე შემახვედრეს? იტყუილებით" - გახარია კრიმინალურ ავტორიტეტთან ცხაკაიასთან კავშირს უარყოფს

პოლიტიკა - 18:36, 21 Dec, 2018

1368

შინაგან საქმეთა მინისტრი გიორგი გახარია ზუგდიდში კრიმინალური სამყაროს წარმომადგენლებთან კავშირზე ოპოზიციის ბრალდებას უარყოფს და აცხადებს, რომ ის ხვიჩა ცხაკაიას საერთოდ არ იცნობს:

„მეორედ დამისახელა გუნავამ ვინმე ცხაკაია, მაყურებელი. ეს ცხაკაია ზუგდიდში არ იძებნება საერთოდ. ჩამოვალ ერთხელ და მანახეთ, ეს ცხაკაია ვინ არის. რას უყურებს, ისიც მანახეთ. თუ გინდათ, ერთად შევხვდეთ მე და თქვენ. იქნებ რუსთავი2-ს უყურებს ან რამე. არ ვიცი, უბრალოდ.“- განაცხადა გიორგი გახარიამ.

გუნავას რეპლიკაზე, რომ სწორედ მას შეახვედრეს ცხაკაია, მინისტრმა ამ ფაქტ ტყუილი უწოდა.

"მე შემახვედრეს? საწუხაროდ იტყუიელბით" - უპასუხა გახარიამ.

გაერთიანებული ოპოზიციის ზუგდიდის წარმომადგენლობის თქით, 2018 წლის საარჩევნო პერიოდში გახარიამ არჩევნების მეორე ტურზე ზემოქმედების მიზნით სამეგრელოში ე.წ მაყურებლები და კანონიერი ქურდები გაააქტიურა.

მურთაზ ზოდელავას თქმით, ხვიჩა ცხაკაიას გამოუყვეს ავტომანქანა, საგანგებოდ დაუბურეს მანქანის ფანჯრები, ის ამ ავტომობილით გადაადგილდებოდა და “ოცნების” მხარდაჭერის სანაცვლოდ მოსახლეობას თანხას ურიგებდა და მათ ნაწილს კი აშინებდა.