ხორავას ქუჩის საქმეზე საუბარს, პარლამენტში მორიგი ხმაური მოჰყვა. შს მინისტრმა საპარლამენტო უმცირესობის წევრის ირაკლი აბესაძის კითხვას უპასუხა, იმასთან დაკავშირებით ეთანხმებოდა თუ არა ის ივანიშვილის განცხადებას, რომ მოკლული მოზარდის მამის ზაზა სარალიძის ქმედებები პოლიტიკურად მოტივირებული იყო.

"რეალურად ის კი არ იყო პოლიტიკურად მოტივირებული, რომ ბატონ სარალიძეს მოუწია კარავში ყოფნა, სამწუხარო ისაა, რომ თქვენ იყენებთ ამას პოლიტიკურად და პოლიტიკურად მმოტივირებული თქვენ ხართ. თემა იმაში კი არაა, რომ ადამიანი პირადი ტრაგედიიდან გამომდინარე იძულებულია მიმართოს უკიდურეს ფორმებს, თქვენ როგორც კეთილსინდისიერი მოქალაქე იმის მაგივრად, რომ მას უბრალოდ გვერდით დაუდგეთ, ამისგან აკეთებთ სპექტაკლს. არავინ და ამ შემთვევაში თქვენ, ვერ იქნებით ჩემზე უფრო დაინტერესებული, რომ ეს საქმე დასრულდეს. უბრალოდ ვერ იქნებით. საგამოძიებო კომისია იყო ტრაგედია არა მარტო ერთი ადამიანის და იმ ხალხის ვინც ამ კომისიაში იჯდა, არამედ თქვენი, ამის შემდგომ ეს პასუხისმგებლობა როგორ იქნება საერთო ჩვენთვის, აგერ ვნახავთ, მე გპირდებით პირადად.“- განცხადა გახარიამ. ამ განცხადებას „ევროპული საქართველოს“ წევრების მხრიდან ხმაური მოჰყვა.

„გავიმეორო... ძალიან კარგად გაიგეთ... არ გადამრიოთ, რა მაგრები ხართ... როდესაც ატრიალებთ ამ ფრაზებს ამას ვეძახი მე თქვენს ფსევდო ინტელექტუალურ ცეკვებს კამერების წინ და შეგიძლიათ გააგრძელოთ. მე გთავაზობთ შინაარსობრივ საუბარს და სად წახვალთ ამ ფსევდო ინტელექტუალური აბსოლუტურად უმიზნო დებატებით... შინაარსობრივ კონტექტსში არანაირი პრობლემა არ გვაქვს და თქვენი შეკითხვების არც მე და არც ჩემ გუნდს არ გვეშინია... ამ თემას აღარ დავუბრუნდები, თქვენთვისვე უარესი დამაბრუნეთ რამდენიც გინდათ.“- მიმართა გახარიამ ოპოიციას.

„სინდისი გაქვთ საერთოდ? ვის პასუხისმგებლობაზე საუბრობთ, მკვლელი სადაა?“- მიმართა ელენე ხოშტარიამ გახარიას.

„სიმართლემ ასე იცის ქალბატონო ელენე, მწარეა მოსმენა“- განაცხადა გახარიამ.

„შინაგან საქმეთა მინისტრი ხართ და მაიმუნობთ... საერთოდ შინაარსი ვერ გამოვიტანე რაზე ლაპარაკობთ“- მიმართა ხოშტარიამ.