"სამოხელეო დანაშაულზე უნდა აღიძრას სისხლის სამართლის საქმე, თქვენმა კომისიამ ეს გადაცდომები ვერ დაადასტურა"

"სამოხელეო დანაშაულზე უნდა აღიძრას სისხლის სამართლის საქმე, თქვენმა კომისიამ ეს გადაცდომები ვერ დაადასტურა" - გახარია ხორავას ქუჩის საქმეზე

პოლიტიკა - 17:11, 21 Dec, 2018

714

შინაგან საქმეთა მინისტრის განცხადებით, მას შემდეგ რად დადგინდება, რომ ხორვას ქუჩის გამოძიების შეფერხებაში არსებობდა სუბიექტური მიზეზები და ეს მიზეზები უკავშირდებოდა ვინმე კონკრეტულ პირებს, საქმეზე უნდა აღიძრას სისხლის სამართლის საქმე სამოხელეო დანაშაულზე. გიორგი გახარია მხადაა პირველი მივიდეს და ამ საქმესთან დაკავშირებით ჩვენება მისცეს.

„მე როგორ შინაგან საქმეთა მინისტრი, სრულ პასუხისმგებლობას ვიღებ იმაზე, რაც მოხდა და კიდევ ერთხელ გიდასტურებთ იმას, რომ მიუხედავად იმისა, რომ დღესაც არ ვიცი, ის საგამოძიებო მოქმედებები, რომელიც არ ჩატარდა, იყო განზრახ არჩატარებული და იქონია მან საბოლოო შედეგზე გავლენა თუ არა, ვთვლი, რომ უნდა დაიწყოს სამოხელეო გადაცდომებზე სისხლის სამართლის საქმე და მეც მზად ვარ ერთმნიშვნელოვნად პირველი მივიდე და მივცე ჩვენება. ისევე როგორც თქვენ თქვენი მხრიდან უნდა აიღოთ პასუხისმგებლობა, რომელიც ქონდა კომისიას და რომელიც უნდა შეესრულებინა. ჩემი ღრმა რწენით კომისიის ფუნქცია იყო იმაში, რომ დაედასტურებინა სამოხელეო გადაცდომები იყო თუ არა და ეს კომისიამ ვერ დაადასტურა, სამწუხაროდ. თქვენ სამწუხარო სრული დისკრედიტირება მოახდინეთ პარლამენტში საგამოძიებო კომისიის, იმიტომ რომ ვერ მიაღწიეთ შედეგს და შედეგის მისაღწევად დაიწყეთ პოლიტიკური სპეკულირება. ჩვენ ვთვლით რომ ჩვენი ვალდებულებაა გამოძიება გაგრძელდეს მანამ, სანამ შესაძლებელ დონეზე საზოგადოებაში არსებულ კითხვებს პასუხი არ გაეცემა. თუ ჩვენ ჩავთვლით რომ გამოძიება ამის იქით უკვე არ მიდის და ამისთვის არსებობდა სუბიექტური მიზეზები და ეს მიზეზები უკავშირდებოდა ვინმე კონკრეტულ პირებს, ამისთვის კიდევ ერთხელ ვიმეორებ, იქიდან გამომდინარე რომ კომისიამ ვერ შეასრულა თავისი ფუნქცია, უნდა აღიძრას სისხლის სამართლის საქმე სამოხელეო დანაშაულზე და ყველამ ამაზე უნდა აგოს პასუხი.“- განაცხადა გიორგი გახარიამ.