"ბოევიკებს ვერ დავარქმევდი, ეს ხმამაღალი დასახელებაა"- შს მინისტრი დაკავებულ უკრაინელ მებრძოლებზე

პოლიტიკა - 16:35, 21 Dec, 2018

854

შინაგან სამეთა მინისტრი, გიორგი გახარია არჩევნების შემდეგ უკრაინის მოქალაქეების თბილისში დაკავების ფაქტზე დეტალურად არ საუბრობს.

გახარიამ დეპუტატ ნუკრი ქანთარიას შეკითხვის კომენტირებისას თქვვა, რომ "მათ ბოევიკებს ვერ დაარქმევდა", თუმცა დაკაებულებს სპეციფიკური საქმიანობის მქონეები უწოდა.
გახარიამ თქვა, რომ მისმა უწყებამ 14 ადამიანი არ შემოუშვა ქვეყანაში.
"ბოევიკებს ვერ დავარქმევდი, ეს ხმამაღალი დასახელებაა, თუმცა საკმაოდ მაღალი რისკის მატარებელი, უფროსწორედ ძალზედ სპეციფიკური გამოცდილების ხალხი იყო. ერთი რამ რისი თქმაც დღეს შემიძლია, სამართალდამცავმა ორგანოებმა მათ შორის შსს-მ აღკვეთა დამატებით 14 მსგავსი პროფილის ადამიანის შემოსვლა საქართველოში.
იყო ინტერნეტ გამოცემებში საუბარი რომ უკრაინელებს... თუმცა ეს იყო პრევენციის სახით, იძულებითი მოქმედება, რომ მსგავსი პროფილის, იმ მომენტში ქვეყნისთვის არასასურველი, რბილად ვიტყვი, სპეციფიური გამოცდილების ადამიანები ქვეყანაში არ შემოვუშვით, იძულებული გავხდით. მცდელობები იყო, იგივე პირები სახმელეთო გზით შემოსულიყვნენ, თუმცა ჯერ-ჯერობით ვართ იქ, სადაც ვართ და ამაზე მეტს ვერ გეტყვით"- თქვა მინისტრმა.