საქართველოს შნაგან საქმეთა მინისტრი გიორგი გახარია პარლამენტის წინაშე ანგარიშით წარსდგა. კითხვა-პასუხის რეჟიმში უმრავლესობის დეპუტატმა ანრი ოხანაშვილმა ხორავას ქუჩაზე მოკლული დავით სარალიძის მკვლელის ვინაობის შესახებ მინისტრს კითხვა დაუსვა:

„ხორავას საქმის ირგვლივ საზოგადოებას დღემდე ბევრი კთხვა გააჩნია, ჩვენ დავადგინეთ, რომ ამ საქმის ირგვლივ არსებობდა მთელი რიგი ხარვეზები და გაჩნდა კითხვები, ხომ არ ჰქონდა ადგილი რაიმე კანონდარღვევას, ხომ არ მოხდა ვინმესთვის ხელის დაფარება? შეისწავლა თუ არა აღნიშნული საკითხი შს სამინისტროს გენერალურმა ინსპექციამ და რატომ არ იწყება გამძიება?

მსურს შევეხო დავით სარალიძის მკვლელობის ეპიზოდს, ვინაიდან ეს არის საკითხი, რომელზეც საზოგადოებამ ვერ მიიღო პასუხი თუ ვინ მოკლა დავით სარალიძე, რა გამოიკვეთა დამატებითი გამძიების ფარგლებში ამ მიმართულებით და შეგიძლიათ თუ არა გვითხრათ ვინ არის დავით სარალიძის მკვლელი?“, - განაცხადა ოხანაშვილმა.