"ერთ ოთახში შეყარეს, მენეჯერს ტყვია ასცდა თუმცა სასტიკად ნაცემია"

"ერთ ოთახში შეყარეს, მენეჯერს ტყვია ასცდა თუმცა სასტიკად ნაცემია" - ზუგდიდში მომხდარი ყაჩაღობის დეტალები

კრიმინალი - 10:45, 21 Dec, 2018

2377

გვიან ღამემდე გაგრძელდა ზუგდიდში, ფაიფურის დასახლებაში მდებარე თხილის ქარხანა „თურალ გრუპის" დაყაჩაღების საქმეზე ერთ-ერთი მენეჯერის რაფიქ ბაირამოვის დაკითხვა, რომელსაც თავდამსხმელები სასტიკად გაუსწორდნენ.

"ნიუპოსტს" ინფორმაციით, ეროვნებით აზერბაიჯანელმა მოქალაქემ პოლიციას დეტალურად მოუყვა, გუშინ ქარხანაში განვითარებული მოვლენები, როცა არსებული ინფორმაციით "„თურალ გრუპში" 3 შეიარარბული პირი იარაღით შეიჭრა, ფიზიკურად გაუწორდა ბაირამოვს, ხოლო საწარმოს ხელმძღვანელს სიცოცხლის მოსპობის მუქარით 50 000 ლარი გამოსძალა.

ადგილზე მობილიზებული სამართალდამცავები მედიასთან კომენტარს არ აკეთებენ. ცნობილია უწყების მოკლე კომენტარი, რომლის თანახმადაც, საქმე სისხლის სამართლის კოდექსის 179-ე მუხლით აღიძრა, რაც ყაჩაღობას გულისხმობს.

ამ ეტაპზე უცნობა გავიდა თუ არა პოლიცია დამნაშავეთა ჯგუფზე, თუმცა არის ვარაუდი, რომ მათ ზუსტად იცოდნენ კომპანიის მუშაობსი განრიგი, შესასვლელი კარები და ის რომ „თურალ გრუპში" თანხა ინახებოდა.
"ნიუპოსტის" კორესპოდენტის ცნობით, სამართალდამცავებმა საწარმოში და ახლომდებარე პერიმეტრზე დამონტაჟებული სათვალთვალო კჯამერებიდან ჩანაწერები უკვე ამოიღეს.

რაც შეეხება დაშავებულს, ის თავდაპირველად საავადმყოფოში გადაიყვანეს, ბაირამოვს ჭრილობები დაუმუშავეს, საიდანაც მალევე ზუგდოდის პოლიციაში გამოკითხვაზე გადაიყვანეს.

ზუგდიდის თხილის ქარხნის დირექტორი მაია მიქავა ადგილზე რამდენიმე საათის დაგვიანებით ჩავიდა, რადგან მისი თქმით, ის თბილისში იმყოფებოდა.

"გზაში ვიყავი, როცა დამირეკეს თანამშრომლებმა და მითხრეს - ავტომატებით შეიარაღებული ნიღბიანები შემოვარდნენო. ყველა ერთ ოთახში შეუყრიათ, ტყვიაც უსროლიათ. მენეჯერს ტყვია აცდა, მაგრამ სასტიკად არის ნაცემი. თავის არეში აქვს დაზიანებები" - აცხადებს მიქავა.